Davao City – Natala karon sa Department of Health (DoH)-XI ang 16-anyos nga pinakabag-ong gi-imbestigahan gumikan sa 2019 novel Coronavirus (nCoV) acute respiratory disease (ARD).
Sa media forum sa DoH-XI, gibutyag ni Dr. Lenny Joy Johnson-Rivera, DoH-XI Assistant Regional Director, usa ang 16-anyos sa upat katao karon sa Davao region nga gikonsiderang persons under investigation (PUIs) sa nCoV-ARD.
“As of the moment, we have in Davao City, we have four PUIs and then the rest is persons under monitoring,” butyag ni Rivera.
Nasayran nga naggikan sa Hong Kong ang maong menor de edad nga miabot niadtong Dominggo, Pebrero 2, 2020 ug nakitaan og simptomas sa nCoV-ARD sama sa ubo, sip-on ug taas nga body temperature.
Sa pagkakaron, tested ug admitted for isolation una ang mga PUIs hangtud nga masuta ang resulta kung positibo o negatibo ang nahisgutan sa maong balatian.
RadyoMaN Kirby Manzon
