Davao City – Arestado ang usa ka suspek sa pangmolestiya sa usa ka 16 anyos nga babae.
Sa report sa Police Regional Office kun PRO XI, giila ang dinakpan nga usa ka Roy Manto, 24 anyos ug residente sa Purok Hayahay Barangay Poblacion, Lupon, Davao Oriental.
Sumala sa PRO XI, positibong gitudlo sa biktimang si alyas Rose ang suspek nga nangmolestiya diin sa natala nga report sa kapulisan, misulod ang suspek sa girentahan nga kwarto sa biktima sa nasangpit nga lugar ug gipwersa sa suspek ang paghubo sa biktima ug gimolestiya kini.
Dali misumbong ang biktima sa landlady ug gi-report sa Lupon Municipal Police Station diin karon nakustodiya ang suspek.
Dugang sa report, mag atubang og kaso sa sexual abuse ang dinakapan subay sa RA 7610 (An Act Providing for Stronger Deterrence and Special Protection against Child Abuse, Exploitation and Discrimination).
RadyoMaN Renz Barbarona
