Tamayo: Davao nilambo ilawom ni Sara

Davao City – Makita ang kalig-on sa liderato ni Davao City Mayor Sara Duterte-Carpio diha sa pagpatuman sa kahusay ug kalinaw sa syudad sa Davao ilawom sa Martial Law dinhi sa Mindanao.

Sumala ni Prof. Adrian Tamayo, Information Chief sa Mindanao Development Authority (MinDA), tungod sa maayong peace and order situation dinhi, daghang mga negosyo ang namugna ug daghan usab nga mga investors ang nagbutang sa ilang pamatigayon sa dakbayan resulta usab sa paghuot sa dagan sa trapiko apan normal lamang kini tungod kay milambo man ang atong dakbayan.

Sugyot ni Tamayo nga tungod kay daghan nang nagasulod nga mga magpapatigayon, gikinahanglang panghingusgan sa lokal nga gobyerno ang pagdumala sa kalamboan tungod kay makasinati gayud kini ug dagkung problema usa na niini ang nagkarabanit nga trapiko, pagtaas sa presyo ug mga bayronon ug uban pa.


RadyoMaN Bernard Pantallon

Facebook Comments