General Santos City—angol ang usa ka 16 anyos nga dalagita human naigo sa saag nga bala atol sa riot nga gikalambigitan sa duha ka grupo sa mga batan-on sa may Zone 2-B, barangay Bula, Gensan.
Biktima giilang si Alias Kaye, 16, residenti sa Purok malakas, barangay san Isidro, Gensan.
Subay sa report sa kapulisan nasuta nga alas 3:25 ang takna kaganinang kabuntagon anaa sa may Zone 2, Bula ang nasangpit dihang kalit lang nga dunay nagriot nga mga grupo sa mga kabataan.
Kalit lang kining nakadungog ug buto sa pusil, pila ka gutlo ang nakalabay, nabati nalang niini ang pagpamanhod sa iyang bitiis ug pagtan-aw niini siya nagkadugo na, mao nga gidala kini sa ospital.
Paspas usab nga misibat ang mga batan-ong responsabli sa pagpabuto ug pusil. Ang biktima sa kasamtangan nagpaalim nalang sa ilang mga samad nga naangkon human nga naigo sa saag nga bala.
