General Santos City—Nasampulan sa Comelec gun ban ang usa ka minor de edad nga itago lang sa pangalang Alias Ryan, 16 anyos nga taga Barangay Labangal human nga nakuhaan ug home made single shotgun atol sa gipatumang oplan sita sa hiniusang pwersa sa kapulisan ilawom sa area of responsibility sa Police Station 2 alas 11:00 pasado kagabie.
Nasayran nga samtang nagpatuman sa ilang Oplan sita ang kapulisan, ilang namatikdan ang kadudahang lihok sa minor de edad mao nga ilang gisita. Didto nakit-an ang pusil nga gisukbit niini ngadto sa iyang hawak mao nga gidakop ang nasangpit.
Tungod niini posibling mag atubang ug kasong kalapasan sa R.A 10591 o illegal possession of firearms ingon man Omnibus election code o gunban si Ryan. Samtang gikatakda sab kini nga iturn-over ngadto sa buhatan sa CSWDO.
