16 anyos nga batang babae nagmodyul gitigbas, suspek kaugalingung uyuan

79

Pagadian City – Nadala sa balay tambalanan ang usa ka menor de-edad human kini ang gitigbas sa iyang uyuan dihang dapita sa Purok Sili, Kahayagan, sakop ning syudad sa Pagadian alas 10:30 ang takna sa buntag adlaw nga sabado.
Sumala pa sa PNP Pagadian nga ang biktima naila nga si Karen Joy Gaisao Sumalpong, 16 anyos, babaye, dalaga, studyante ug residente sa nahisgutang lugar.
Samtang ang akusado naila nga si Junard Eslao Sumalpong uyuan sa biktima, 26 anyos, lalake, ulitawo, mag-uuma, residente sa Purok Santan, Bulawan sakop ning dakbayan.
Sa imbestigasyon nasayran nga ang biktima ang nagtubag kini sa mga modules sa dihang naiabot kining suspek ug nangayo’g pagkaon apan sa walay langay mikalit lang kini sa pagtigbas sa biktima nga miigo sa walang bahin sa ulo niini.
Pagkahuman ug tigbas sa suspek ngadto sa biktima misibat kini paingon sa iyang pinuy-anan.
Natabang pa ang biktima ug nadala sa balay tambalanan alang daliang medekasyon.
Wala madugay nadakpan ra usab ang suspek sa mga mi-responde nga kapulisan sa iyang panimalay ug ining panahona naa na kini sa Pagadian City Police Station aron pasakaan sa tukmang kaso.

Facebook Comments