Kalibo, Aklan— Nagapanangison nga nagdangop sa Kalibo Police station ro sangka 16 anyos nga babaye matapos ginhimuslan it 42 anyos nga kainuman sa banwa it Kalibo.
Base sa report natabo ro insidente sa sa mismong baeay it suspek nga si Malcom Salayon kung sa siin hilong raya kat ginkumiter ro insidente.
Suno sa panaysayon it witness nga nakinot eon lang raya kat makabati it limog nga nasakitan sa kwarto it suspek kung sa siin nataeupangdan kara nga bukon eon nana it kaibahan ro biktima.
Mismong naabutan it witness nga sa ibabaw it menor de edad ro suspek ag nakapanaog eon ro underwear.
Insigidang gintikeud it witness ro suspek ag nagpaeagiw kaibahan ro biktima sa lugar.
Maswerteng hakita sanda it daywa ka mga market collector ag gindaea sa taeatapan it pulisya.
Sa ginhiwat nga pursuit operation naaresto it mga otoridad ro suspek sa andang panimaeay.
Sa pihak nga parte nagpamalibad man si Malcon sa alegasyon it biktima ag witness.
#TatakRMN
