General Santos City—Midangop sa Police Station 2 ang 16 anyos nga dalaga uban sa iyang amahan aron nga ireklamo ang iyang uyuan nga usa ka Opisyal sa Barangay human matud pa kining gimolestya.
Base sa Sumbong sa Biktima nga itago lang sa pangalang Alias Memie, 16, ngadto sa kapulisan, Enero 1, 2019 dihang gisuwayan kini ug lugos sa suspek didto mismo sa panimalay sa suspetsado sa barangay Apopong.
Sumala pa siya siya gihilam ug gihalokan sa suspetsado sa pribadong parti sa lawas.
Naningkamot matud pa kini nga dili mahilabtan sa iyang uyuan mao nga siya nakalingkawas sa kamot sa suspek.
Saysay pa sa biktima nga dili kini ang unang higayon nga siya gisuwayan ug lugos sa suspetsado maong siya nisumbong na sa iyang amahan nga ig-agaw ra sa suspek.
Sa karon ang suspetsado dili na makit-an sa ilang kabanay kansa gituohang misibat human nasayran nga mireklamo sa kapulisan ang iyang pag-umangkon.
