General Santos City—Patay nang nakaplagan sa iyang mga kabanay ang 16 anyos nga si Alias Mary (Gituyo ug tago ang pangalan), estudyante, residente sa Barangay Conel, Gensan human kining naghikog sulod mismo sa iyang kwarto.
Subay sa report sa Police Station 4, alas 5:00 sa hapon, natingala ang mga kaubanan sa balay sa biktima nganong wala nila kini makit-an gikan sa buntag maong ilang gisuta.
Pag-tan-aw sa lawak niini didto nakit-an ang biktima nga nagbitay na ug wala nay kinabuhi.
Sa pakighinabi sa kapulisan ngadto sa inahan sa biktima, ayha kini naghikog naglalis matud pa silang mag-inahan pinaagi sa messenger ug nagsulti na kining daan nga gikapoy na kini sa iyang kinabuhi.
Sa karon ang patayng lawas sa biktima anaa na sa lokalnga punerarta dinhi sa dakbayan sa Gensan.
