ILOILO- Nagreklamo sa Anilao PNP ang 16 anyos nga dalagita matapos ginapahayag nga ginhimuslan siya sang iya 19 anyos nga pakaisa.
Sa imbestigasyon sang Anilao PNP, alas 3 sa kaagahon kahapon sang ginsulod ni Alias Toto, 19 anyos ang iya pakaisa nga si Alias Nene sa iya kwarto kag ginhimuslan.
Arestado naman si alias Toto sang Anilao PNP kag iya man gin-ako nga ginhimuslan niya si alias Nene.
Suno kay alias Toto, wala siya sa iya kaugalingon sang iya ginhimuslan ang dalagita.
Base sa resulta sa medico-legal examination ni alias Nene, positibo nga ginhimuslan ini bangod sa laceration sa iya kinatawo.
Detain karun sa Anilao PNP ang suspek kag natalana nga pasakaan sang kaso.
Igapaidalom man sa counselling ang 16 anyos nga dalagita matapos ang natabo.
Nahibaluan nga ara sa luwas sang pungsod ang ginikanan ni alias Nene.
