16 bag-ong ambulansya gidawat sa LGU-Davao

25

Davao City – Dakong tabang alang sa syudad sa Davao ang 16 units sa mga bag-ong ambulansya nga gidonar sa Department of Health (DOH) ug gidawat pinaagi ni City Health Officer Dr. Josephine Villafuerte kagahapong adlawa (October 29, 2020).

Sa mensahe ni Davao City Mayor Sara Duterte-Carpio, ang maong kahimanan dako’g kahimoan labi na panahon karon sa Coronavirus Disease 2019 (COVID-19) pandemic diin labing gikinahanglan ang paspas nga serbisyo sa mga Davaoeños.


“The present health emergency has highlighted the need for governments to provide the public with better access to health care services, and given the expansive land area of Davao City – with 182 barangays. These emergency vehicles will definitely enable our barangay officials and the personnel from the district health offices to reach more individuals in need of emergency medical services,” segun ni Duterte-Carpio.

Dugang niini kung daghan ang ambulansya, mas mahatag pa ang gikinahanglang health care assistance sa katawhan ug ma-improbar pa ang health service delivery sa tanan.

Ang maong mga ambulansya ipang apod-apod sa clustered barangays sa ikaduha ug ikatulong distrito ning syudad sa Davao.

RadyoMaN Kirby Manzon




Facebook Comments