24-hour liquor ban sa Davao ibalik

34

Davao City – Subling ipatuman sa syudad sa Davao ang 24-hour liquor ban epektibo sugod Nobyember 2, 2020 alas 5:00 sa buntag hangtud Disyembre 31, 2020.

Kini subay sa Executive Order (EO) No. 59 sa City Government of Davao nga gipagawas kagahapong adlawa (October 29, 2020).


Subay sa EO, kinahanglan nga subling ipatuman ang 24-hour liquor ban sa syudad tungod sa dili na ma-kontrol nga mass gathering kun panagtapok tungod sa inom.

Gawas niini, nagbaton na karon og surge sa Coronavirus Disease 2019 (COVID-19) cases ang dakbayan tungod sa daghan ang gitugutan nga aktibidad ilawom sa Modified General Community Quarantine (MGCQ) nga miresulta sa pagkapuno sa COVID-19 beds sa Southern Philippines Medical Center (SPMC) ug Temporary Treatment and Monitoring Facilities (TTMFs) sa dakbayan.

Gitahasan usab ni Davao City Mayor Sara Duterte-Carpio ang Vices Regulation Unit (VRU) ug Barangay Council nga magpahigayon og monitoring ug surveillance sa tanang restaurants, fast food, sari-sari stores, ug susamang establisemento ug imandong ipasirado ang makalapas sa maong direktiba.

RadyoMaN Kirby Manzon




Facebook Comments