Yara sa 16 ka mga entries ang magaintra sa patigayunon nga 2019 T`nalak national hiphop competition sa Hulyo 14 dire sa probinsya sang South Cotabato, suno kay Provincial Assessor Felix Sadiang-abay, Committee Chairman.
Ang dise sais ka mga partisipante ang halin sa mga nagkalain nga parte sang pungsod sa diin apat ang halin sa Davao City nga amo ang TYGA, EMNT, Kids and Trix, kag Crossover Family, sa General Santos City ang mga pambato sini amo ang Eyes on Me kag Team Indayog, sa Cagayan De Oro –Xtatic, Velocity sang Kalibo Aklan, Renaizzans PAC sang Compostella Valley, SZHD kag Bros Fam sang Cebu City nga amo ang defending champion sang nagligad nga tuig, Prime Movers Dance Crew sang La Consolacion, Bulacan, The Alchemist sang Cabadbaran City, Agusan Del Sur, Simple Crew sang Bukidnon, Coalixon sang Tacurong City kag New Guyz Crew sang Tagum City.
Wala naman sang pagsaka sa premyo nga ang champion ang makabaton sang P100k, 1st runner-up P65k, 2nd runner-up P40k kag P15k para sa consolation prize.
Ginkumpirmar naman ni Sandiang-abay nga nagakantidad sa P651k ang pondo nila para sa nasambit nga kompetisyon.
Patigayunon ang national hiphop competition sa bahin sang South Cotabato Gym sa Hulyo 14 alas 2 sang hapon.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
