May 16 tanan ka mga kabanwahanan sa probinsya sang iloilo nga ginpangtumod sang Iloilo Police Provincial Office (IPPO) nga may sightings sang rebelde nga grupo.
Ginalakipan ini sang banwa sang San joaquin, Igbaras, Badiangan, Alimodian, Leon, Maasin, Janiuay, Lambunao, Calinog, Bingawan, Lemery, Balasan, San Rafael kag bisan pa ang Siudad sang Passi.
Ginsiling ni IPPO director, Pssupt. Marlon Tayaba nga ang mga ginhangadlan nga mga kabanwahanan ang ginbase man sa mga sightings kon sa diin may presensya sang rebelde nga grupo.
Sa karon, ginapabaskog pa gid sang IPPO ang ila monitoring pinaagi man sa pagdugang sang mga Regional mobile forces.
Ginapangabay man ni Tayaba sa mga pumuluyo nga indi gid magsulod ukon mag-entra sa sala nga panindugan kag ideolohiya sang rebelde nga grupo.
Ini kasunod man sang balita nga nagapang-recruit karon ang rebelde nga grupo ilabi na sang mga minor de edad nga magsunod man sa ila kawsa.
