General Santos City— Mukabat sa 16 ka mga road blockings ang pagahimuon palibot sa oval plaza nga maoy main area sa mga aktibidad sa tuna festival.
Sumala kang Police Senior Superintendent Romeo Ruel Berango OIC City Director sa GenSan City Police Office nga ang road blocking ang adunay distansya nga 50 metros gikan sa mga gate sa oval plaza.
Dugang pa nga adunay rerouting scheme nga ipatuman alayon sa road blocking nga mnagsugod alas 4 sa hapon hangtud na alas 12 sa tungang gabii kung asa kini ang sugdan karong hapon dungan sa grand opening nagdto na sa adlaw’ng martes, Setyembre 5 atol sa culmination sa Tuna festival.
Aduna man usab mga proper area nga gibutang aron nga himuong parking area sama nalang sa JP Laurel unahan sa usa ka lokal nga punerarya, atubangan sa DBP, Roxas Ave., atubangan sa pendatun Ave, atubangan sa ZapoteSt. samtang atubangan sa BIR sa JP Laurel St. ang parking area sa mga VIP.
Samtang gawas sa road blokong, gibutyag ni Col. Berango nga ang mga sakyanan nga nakatakdang maghatud ug mga supply o mga produkto ang aduna usab gitakdang oras nga hangtud lang alas 4 sa hapon tugutang makasulod sa oval plaza.
