Nagalab-ot sa 16 ka mga rural –based organizations kag organic farmers sa probinsya sang South Cotabato ang nakabaton sang P15k nga livelihood assistance halin sa provincial government sa idalom sang organic agriculture program nga ginaimplementar sang Provincial Agriculture Office.
Ginpatigayon ang turn-over sang nasambit nga ayuda sang Lunes nga adlaw kadungan sang flag raising ceremony sang mga empleyado sang provincial government sa pagpanguna ni South Cotabato Governor Reynaldo Tamayo Jr., kag pipila pa ka mga opisyal sang probinsya.
Suno kay Provincial Agriculturist Justina Navarete lakip sa mga livelihood program sang mga recipients ang free range chicken production, cattle production, small goat raising, outdoor barbeque grills processing kag bamboo craft production.
Samtang kadungan sang turn-over sang livelihood checks sa mga benepisyaryo ginpatigayon man ang awarding sa mga organisasyon para sa backyard gardening.
May-angot sini, nakuha sang Cabuling RIC Banga ang Best Gulayan ng Kababaihan RIC, Best Gulayan ng Kabataan 4-H club nakuha sang Bukay Pait 4-H club Tantangan nga pareho nga nakabaton sang P10k nga premyo, sa Best Backyard Garden VLAP nakuha sang Danlag sang Tampakan kag Best Backyard Garden P4MP nakuha sang Norala nga nakabaton ang mga ini sang P5k nga premyo.
