Mukabat sa 1, 224 ka mga employer sa probinsya sa Bukidnon ang nag-apply DOLE COVID-19 Adjustment Measure program kon CAMP.
Sa interview sa RMN Malaybalay ngadto kang Provincial Director Raul Valmores sa Department of Labor and Employment kon DOLE Bukidnon gibutyag niini nga sa maong ihap sa mga kompanya mukabat kini sa 16, 500 ka mga trabahante.
Sa ilawom sa CAMP, makadawat sa financial assistance” nga nagkantidad ug P5,000 ang trabahante bisan unsa pa ang employment status niini.
Pasok sa programa ang mga pribadong establisimyento nga nagpatuman sa flexible working arrangements (FWAs) o temporary closure gumikan sa COVID-19.
Gipasigarbo usab ni Director Valmores nga walay backlog sa ilang buhatan dnhi sa probinsya ug ilang gipasa na ngadto sa regional office ayha ipasa sa head office sa DOLE.
Maghimo sa evaluation o susihon sa DOLE kung eligible o angayan sa tabang ang mga aplikante.
Matud niya nga kini nga programa alang lamang sa mga pormal sector ug tungod kay lahi na usab ang programa para sa mga informal sector.
Samtang kagahapon, gi-anunsyo sa Department of Labor and Employment kon DOLE nga suspendido ang una aplikasyon alang financial assistance ilawom sa Covid Adjustment Measures Program kon (CAMP) para sa mga formal sector workers sa pribadong buhatan nga apektado sa COVID-19 sugod niadtong Miyerkules sa hapon tungod sa katarungan nga daghan ang nag-apply apan limitado lamang ang pondo.
