Davao City – 16 ka mga wanted person nga adunay warrant of arrest ang gidakop sa kapulisan atol sa gipahigayong Oplan Bulabog kun Simultaneous Anti-Criminality Operation sa pagpanguna sa Davao City Police Office alas-6 sa kabuntagon gahapong adlawa.
Ang mga nadakpan mao sila si Joel Pardillo ug Vinz Garreth Inutan Alfeche alang sa kasong Attempted Homicide, Alicia Espiritu Ang alang sa pagsupak sa Batas Pambansa Blg. 22, June Paul Madrigal Renomeron ug Estrelita Barete Renoy alang sa kasong illegal gambling, Maria Elena Ybañez Ortezano sa kasong Grave Slander, Erlinda T. Dizon alang sa kasong Falsification of Public Document, Joselito Lumbino Bulcan alang sa kasong (2 counts) of Theft, Jessie Alcontin Carpiano alang sa pagsupak sa RA 9165, Bobby Usoria Basto alang sa pagsupak sa SSS LAW, Alfredo Dela Peña alang sa kasong Grave Threats and Slight Physical Injury, Robert John Bibat alang sa pagsupak sa R.A 9262 kon Anti-Violence Against Women and their Children ug lain pang Aldrian Sabejon, Longeno Sabejon, ug Reynante Gurrea Dullano .
Gipahigayon ang Oplan Bulabog sa nagkadaiyang police station sa dakbayan partikular sa PS1-Purok Sto Niño, Brgy Agdao Proper, Davao City, PS2- Purok 1&2, Brgy 8-A, Exodus, Madapo Hills, PS3- Riverside, Teacher’s Village, Matina Aplaya, PS4- Estores, Panacan, PS5- ZRU Subdivision, Brgy. Mandug, Buhangin District, PS6- NSV Ilang, PS8- Purok 6 Saypon Riverside, Brgy. Crossing Bayabas, Toril, PS9- Purok 10 Sitio Verino Brgy Tacunan, Tugbok District ug PS10 sa Purok 6, Brgy. Subasta, Calinan.
Atol sa maong operasyon gipailawom sa profiling ang 1,428 ka mga residente. Sa maong ihap, 1,298 kanila ang dunay mga ID samtang 131 ang walay identification card.
Ang DCPO giubanan sa nagkadaiyang security forces ug law enforcement units sama sa Task Force Davao (TFD), Regional Mobile Force Battalion XI (RMFB), Philippine Coast Guard XI (PCG), Regional Maritime Unit XI (RMU), National Bureau of Investigation XI (NBI), Criminal Investigation and Detection Group XI (CIDG), Regional Intelligence Unit XI (RIU) ug National Intelligence Coordinating Agencies XI.
Nahuman ang maong operasyon alas-9 sa kabuntagon gahapong adlawa.
RadyoMaN Don Pulayao
