16 year old high school student nga ginasiling gin-minolestiyahan ni sir, nag positive sa medical examination

660

BACOLOD CITY – Nagpositibo sa medical examination ang isa ka 16-anyos nga Grade 10 high school student sang isa ka eskwelahan diri sa Bacolod nga ginasiling ginhilabtan sang iya manunudlo nga lalaki.

Damlag pa, nagreklamo ang ginikanan kag ang lola sang duha ka mga menor de edad nga babayi nga estudyante sang Fr. Gratian Murray Integrated School (FGMIS) sa Brgy. Granada nga ang ila mga kabataan ang ginpatulog sang ila maestro sa iya balay, ginapaangkas sa motor kag ginadala maglagaw, ginahatagan sang kwarta kag may insidente pa nga ini sila ang ginhalukan.


Sa reklamo sang isa ka iloy, ginpahayag sini nga tatlo ka adlaw nga wala nakapauli ang iya anak kag sang ulihi ila nahibaluan nga ini gali ang nagtulog sa balay sang amo nga maestro.

Ini ang rason kon ngaa ila ginpaidalum sa medical examination ang ila mga anak.

Apang, sa bahin naman sang natungdan nga mga estudyante ila ginsiling nga ginabuligan gid lamang sila ni sir sa ila personal nga problema.

Wala labot sa duha ka estudyante sang amo nga eskwelahan, may isa pa gid ka ginikanan sang estudyante sang Alangilan National High School nga nagreklamo man batuk sa amo nga maestro.

Sa karon ginahulat pa ang pahayag sang maestro angut sa mga akusasyon batuk sa iya. /dyHB BACOLOD




Facebook Comments