Davao City – Ilubong karong Hulyo 3 sa pampublikong sementeryo sa Lubogan Toril syudad sa Davao ang 16 anyos nga gilugos ug gipatay sa ilang silingan sa Bago Gallera, Talomo District dakbayan sa Davao.
Sa interview sa DXDC RMN Davao, gibutyag sa inahan sa biktima nga bisan og namatay ang gitudlong suspek nga si James Narte human napusilan patay sulod sa Talomo Police Station kay nangilog og pusil padayon gihapon nilang gisinggit ang hustisya.
Sumala sa inahan, bisan ug namatay si Narte apan wala pa man napamatud-an nga siya ang naghimo sa linuog nga pagpatay hinungdan nga gitinguha gihapon nila ang hustisya kay basin ug naa pay laing suspetsado gawas kang Narte.
Sa pikas bahin laumang ipagawas karong adlawa ang resulta sa autopsiya sa patay’ng lawas ni Narte aron sayron kung unsa gayud ang tinuod nga hinungdan sa kamatayon sa suspetsado.
RadyoMaN Bernard Pantallon
