Davao City – Dead on the spot ang usa ka batan-on human nga mibangga ang gimaneho niining motorsiklo sa usa ka bonggo alas-8:30 kaganinang buntag sa diversion road sa Digos City.
Sa pakighinabi sa DXDC RMN Davao kang PO3 Junel Fabroa, duty investigator sa Digos PNP, giila niini ang biktima nga mao si Heinz Sedrick Lubrido, 17-anyos residente sa Chapter 6, Brgy. Aplaya, Digos City.
Samtang usa ka Gerard Daganato, 28-anyos, taga Chapter 5 Bgry. Aplaya, Digos City, nga silingan ug kaila ra usab sa biktima ang nagmaneho sa usa ka Mazda Bonggo.
Gisaysay ni PO3 Fabroa nga gikan sa Digos bus terminal ug padulong sa Hagonoy nga direksyon ang mga sakyanan. Ni U-turn sumala pa ang bonggo ug wala naka break ang motor rason nga mibangga kini sa likod nga bahin sa sakyanan ug diha-diha dayon nga namatay ang batan-on tungod sa kakusog sa impact sa maong aksidente.
Gibutyag sa duty investigator nga wala nay kasong ipasaka gumikan kay nagka-areglo na ang duha ka pamilya ug misaad nga abagahon ang haya ug pagpalubong sa biktima.
RadyoMaN Kirby Manzon
