Sa interbyu sa DXDC RMN Davao kang Police Major Romeo Mapanao Jr., San Pedro Police Station Commander, atol sa ilang operasyon, inay mutahan sa iyahang kaugalingon ang suspek nga si Alyas “Bulhog”, dihang namatikdan niini nga pulis ang iyang gika-transact, alegasyong nibunlot kini’g armas ug nagpabuto sa mga operatiba.
Matud ni Mapanao, aron maproteksyunan sa mga pulis ang ilang kaugalingon batok sa armadong suspek, nibalos kini sila’g pabuto ug naigo sa iyang kalawasan.
“Sa akoang pag-record check ani, sa 10 anyos pa balik-balik na ni sa prisuhan, during that time I believe nabutang pod ni siya sa Bahay Pag-asa. Notado pod ni siya sa Bankerohan kaniadto nga kapangawat ug karon na-involve siya sa illegal drugs,” gibutyag ni Mapanao.
Gibutyag ni Mapanao, gisulayan pa kini’g dala sa Southern Philippines Medical Center (SPMC) apan nakabsan na kini sa iyang kinabuhi.
Narekober sa crime scene ang caliber .38 ARMSCOR 202 revolver, suspected Marijuana nga anaa sa 22 gramos nga mokantidad sa P12,000, suspected shabu kantidad sa P3,000 ug uban pang mga ebidensya.
RadyoMaN Aimee Guinita
