General Santos City—Samdan ang usa ka 17 anyos nga itago lang sa pangalang Alias Amerudin, residente sa Purok Palen, Barangay Labangal, Gensan human kining gibunalan ug bato ug gidunggab sa mga miyembro sa Children in Conflict With The Law kon CICL sa may roundball sa Gensan City Public Market alas 12:00 ang takna sa tungang gabie niadtong nakalabayng adlaw.
Subay sa record sa Dr. Jorge Royeca Hospital, hain nadala ang biktima, nagmaniho kini sa iyang motorsiklo apan pag-abot sa lugar, giharang kini sa mukabat 10 ka mga miyembro sa CICL.
Unang gibunalan ang biktima ug bato dayon gidunggab dayon kini sa usa sa mga suspek. Paspas nga misibat ang mga suspetsado samtang ang biktima daling gidala sa ospital ug kasamtangan nalang karon nga nagpaalim sa iyang mga samad nga naangkon.
