17 anyos natulugan sa idalum sang truck nalapakan patay

17

Patay ang isa ka menor de edad matapos nga ini ang natulugan sa idalum sang truck kag aksidente ini nga nalapakan pasado las 9 kahapon sang aga sa parking area sang isa ka sugar milling company sa ciudad sang Victorias.

Ang biktima ginkilala kay Ronie Senayo, 17-anyos, residente sang Brgy. Felisa, Bacolod City kag isa ka trabahante sa kampo.


Suno kay Erwin Senayo, amay sang biktima nga ang iya bata ang nag-upod sa truck nga may karga sang tubo nga gina-maneho ni Marco Cabrera, pumuluyo man sang Brgy. Felisa para magpagaling sa amo nga milling company.

Pahayag sang tatay nga bangud malaba pa ang pila sang mga truck, naglisensya ang iya bata nga maglakat anay agud magpa-muhin apang wala sila nakabalo nga ini gali ang nagtulog-tulog sa idalum sang truck rason nga ini ang aksidente nga nalapakan kag napuruhan sa iya ulo.

Siling ni Senayo nga na-detain ang driver sang truck apang posible may settlement bangud nga indi hungod ang natabo kag wala man nakahibalo ang driver sang truck nga ara sa idalum ang biktima.

[image: image.png]

Facebook Comments

From Advertisers