Nadakpan na las 9 sang gab-i sadtong Martes sa Talisay City ang suspek nga naghimulos sa isa ka 13-anyos nga bata nga babayi sa ciudad sang Cadiz sang nagligad nga semana.
Suno sa Talisay City Police Station ang suspek ginkilala kay Marlon Beboso Jr., 25 anyos, pumuluyo man sang Cadiz City kag may ginapangatubang na mga kaso sadto pa.
Madumduman nga sadtong November 11 may mga las 6:30 sang aga, ginlugos sang suspek ang 13-anyos nga biktima sa Brgy. Magsaysay, Cadiz City kon diin wala labot nga ginhimuslan, ginlampusan pa sang suspek sang bato sa ulo ang biktima.
Bangud sini, nagtanyag sang 200,000 pesos nga reward ang local govenrment sang Cadiz para madakpan ang suspek.
Nahibaluan nga si Beboso ang may warrant of arrest man sa kaso nga rape with homicide kag may kaso man ini nga motornapping sa ciudad sang Kabankalan.
[image: image.png]
