17 anyos nga may deperensya sa panghuna-huna, gitabangan ug lugos

General Santos City—padayon karon ang imbistigasyon sa Police Station 5, kalabutan sa pagpanglugos sa sikad driver ug laing duha pa ka mga suspek sa usa ka 17 anyos nga dunay deperensya sa panghuna-huna sa may Purok Malagat, Barangay Tambler, Gensan.

Nasayran nga una nang midangop sa Police Station 5 ang paryenti sa 17 anyos human kining misumbong nga siya giamong-amongan sa tulo ka mga lalaki.

Alas 7:00 ang takna sa nakalabayng adlaw dihang gipasakay matud pa sa mga suspek ang biktima sa sikad dayon gidala sa Purok Malagat, kagahapong adlawa lang nakauli ang nasangpit sa ilang panimalay.


Nagkagidlay matud pa ang biktima dihang paghidangat niini sa ilang pinuy-anan mao nga gipangutana sa iyang mga kabanay. Didto na kini misumbong nga siya gihilabtan sa mga suspek.

Sa karon blangko pa ang kapulisan sa ilhanan sa mga suspetsado hilabi na nga dili pa nila mahinabi ug sakto ang biktima gumikan sa nasinatiang trauma. Padayon usab nga gisubay sa WCPD ang maong kaso aron nga matumbok ang mga suspetsado.

Facebook Comments