Kuyog ang iyang batan-on nga hinigugma sulod sa usa ka lodging house sa Butuan, pakyas nga makatuna ug makasalom sa tubig sa himaya ang usa ka 22 anyos gumikan kay gikulata kini sa upat ka mga batan-ong suspect.
Ang insidente sa kulata nahitabo kini kagabei sulod mismo sa room 309 sa Ultimate Inn sa may capitol drive ning dakbayan sa Butuan.
Ang gikulata giila sa pangalan nga Christian, taga Baan Riverside ug trabahante sa usa ka sikat nga meat shop sa Butuan City.
Sumala sa report sa Butuan City Police Office, samtang anaa sila si Christian ug iyang uyab sulod sa lawak sa Ultimate Inn, kalit nga adunay natoktok. Pag abli sa pultahan, kalit misulod ang upat ka mga lalaki ug gikulata si Christian.
Duda sa awtoridad, selos ang hinungdan sa pagpangulata basin ug adunay laing uyab ang maong batan-on nga babaye gikauban sa kwarto ni Christian.
Gawas sa pagkulata, gidala pa ang underwear ni Christian. Bun-on sa lawas ang naangkon sa maong batan-on.
Kung ikaw naa sa lugar sa biktima unsa imo bation? Post your comments..
