Gisurender sa ginikanan ang subject person nga 17 anyos sa kapolisan, human kini makadunggab sa 15 anyos nga estudyante sa PN Roa National High School.
Kini ang gibutyag ni Police Master Sergeant Senador Ostero, sa Police Station 7 Bulua.
Matud ni Master Sergeant Ostero, nga basi sa ilang pakighinabi sa 17 anyos, kitchen knife ang gigamit niini nga hinagiban sa pagdunggab sa biktima.
Dugang pa niini nga gilabay sa subject person ang kitchen knife human sa hitabo busa gipangita kini karon sa kapolisan.
Nasayran nga gidunggab sa 17 anyos ang biktima tungod sa pagpanimalos human nga ang igsoon niini, nakakitag sumbagay sa biktima.
Samtang aduna matud pay plano ang 17 anyos nga subject person nga mosurender atol mismo human sa insidente.
Apan tungod sa kahadlok nga pangitaon sa pamilya sa 15 anyos nga biktima hinungdan nga nagtago-tago kini.
Tungod sa hangyo sa iyang inahan, nakahukom ang subject person nga mosurender na lang sa kapolisan.
Sa karon, gi-turn over na ang subject person sa Department of Social Welfare and Development kon DSWD.
