Roxas City, Capiz- Patay ang Grade-10 student sa Barangay Bago, Roxas City matapos ini ang ginkagat sang gina- alagaan nga Cobra.
Nag-angkon sang apat ka mga kagat tuga sang ngipon sang amo nga man-og ang 17- anyos nga biktima. Gintinguhaan pa ini dal-on sa ospital apang gindeklarar nga dead-on-arrival bangud sa dalit nga tuga sang kagat sang gina-alagaan sini nga Philippine cobra.
Suno sa pamilya sini, ginpakaon sang biktima ang alaga nga man-og gamit ang kamot apang sa baylo nga ang paon ang tukbon, ang butkon sang 17-anyos nga solterito ang ginbuntog sang cobra.
Bangud sa pagkapatay sang biktima, ginhatok-hatok sang labo ang amo nga cobra antes ini nga ginsunog.
Facebook Comments
