Cuartero, Capiz- Pilas sa kilid sang lawas ang naangkon sang 17-anyos nga menor-de-edad matapos ini ang nabun-an sang hubog nga persona samtang yara sa tindahan sa Barangay Mahabang Sapa banwa sang Cuartero.
Suno sa imbestigasyon sang kapulisan, hinali nga ginpalapitan sang akig nga suspek nga si Richard Escoltero ang amo nga biktima nga nagainum-inom sa tindahan kag ginbuno.
Madasig nga nagpalagyo ang 44-anyos nga suspek matapos ang insidente apang natigayon man ini nga nadakpan sa ginkasa nga hot pursuit operation.
Sa subong yara na ginabulong sa Dao District Hospital ang biktima.
Sa impormasyon, may yara na sang nagluntad nga indi paghangpanay sa tunga sang suspek kag biktima.
Facebook Comments
