General Santos City— Gi-Agkon ni Gensan City Mayor Ronnel Rivera nga aduna gyuy mga barangay pa sa dakbayan ang wala pa nadeklarang drug free samtang ang uban ang na-revert.
Pagpaklaro niya nga dili pasabot nga higayong madeklarang drug free ang usa ka barangay human na ang trabaho batok illegal nga droga. Kung asa sunod semana adunay pagahimuon nga launching sa rehabilitation center sa Baragay Tambler alang sa mga drug dependent.
Dugang pamahayag ni Mayor Rivera nga dili lang dapat ang mga opisyal sa barangay maoy nagahimo ug lakang aron mabatukan ang illegal nga droga kundili bisan na ang mga opisyal sa dakbayan.
Saysay pa niini nga gawas sa BADAC ug CADAC, aduna usab programa ang lokal nga panggamhanan ilalom sa Integrated Barangay Affairs kon IBA nga Purok Laban Sa Krimen.
Kung asa aduna matud pay mga posibilidad nga wala nadokumento ang ubang barangay nga adunay ginahimong lakang aron mabatukan ang mga krimen.
Pagpaklaro ni Mayor Rivera nga wala siya nadismaya sa datus nga gipagawas sa PDEA 12 nga 17 ka mga barangay sa Gensan ang nagpabilin pang dili drug free.
Pamahayag niya nga ginatutukan sa Integrated Barangay Affairs Ug Liga Sa Mga Barangay Kapitan ang pagbatok sa illegal nga droga sa ilahang mga barangay.
Dako man usab ang iyahang pagtuo nga adunay ginahimong insiyatibo ang mga barangay aron nga makunhuran problema sa illegal nga droga.
