Naglab-ot sa 170 ka kaso sang leptospirosis ang narecord sang Department of Health ukon DOH sa bilog nga Western Visayas humalin snag Enero tubtub Setyembre 7 subong nga tuig.
Sa nasambit nga numero, 18 diri ang kumpirmado nga napatay kon sa diin anum ang nagikan sa probinsya sang Negros Occidental, tag- tatlo sa probinsya sang Iloilo kag Capiz; duha sa siyudad sang Bacolod kag may tag-isa sa Probinsya sang Antique kag siyudad sang Iloilo.
Apesar sini, ginpahayag sang DOH nga mas manubo sa gihapon ang kaso sang leptospirosis sa rehiyon ikumparar sang nakaligad nga tuig.
Suno sa ahensya , nagnubo sang 53% ang kaso sang nasambit nga balatian sa rehiyon gikan sa 364 ka kaso sang 2018.
Ginpanugyan sang DOH nga likawan ang mag-ubog sa tubig baha ukon sa talamnan nga naka-tiil lang kag dapat masuksok gid sang proteskyon kasubong sang boots agud indi maka-angkon sang makamamatay nga leptospirosis.
