Mga namaligya ug peke nga produkto sa foam company nakasohan na

13

General Santos City–Pormal nang napasakaan ug kasong pagsupak sa RA 8293 kon Intellectual Property Rights ang duha ka mga suspect nga silang Aries Sta Maria, 38 anyos ug Mark San Juan Manabat, 23 anyos, mga residenti sa Nueva Ecija ug temporaryong nanimuyo sa Royeca Subd., Barangay Lagao human nga masikop sila sa gipahigayong operasyon sa mga sakop sa City Intelligence Branch niadtong milabay nga adlaw.

Sumala pa ni Police ,Major Rexor Canoy ang tigpamaba sa GSCPO nga nasikop ang mga suspect human nga nagpatabang sa kapulisan ang usa ka store manager sa Mandaue Foam kabahin na sa binuhatan sa mga suspect hinungdan nga giadtuan.


pag abot sa maong lugar na-aktohan gayud ang mga suspect nga nagadiskarga sa mga produktong adunay tatak nga Mandaue Foam apan walay mapakitang mga dukomento nga sila gitugutan sa maong kompanya nga mugamit sa maong pangalan.

Nasayran nga mga peke ang mga foam ang ginabaligya sa mga nasangpit nga suspect.

Sa kasamtangan nagtingkagol ang mga nahisgutan sa silda sa Police Station 3 samtang gipaabot nalang nga makapyansa kini o mapanaugan ug commitment order sa korte aron nga mabalhin sa Gensan City Reformatory Center. (Dave Silagan)

Facebook Comments

From Advertisers