Davao City – Ipakatag ang kapin usa ka libo ka mga personahe gikan sa nagkalain-laing security forces karong umaabot nga semana santa aron mabantayan ang seguridad sa dakbayan sa paghinumdum nianang mga adlawa.
Kini ang gibutyag ni Public Safety and Security Command Center o PSSCC head Ret. Gen. Benito De Leon atol sa iSpeak forum subay sa ilang ipatumang Oplan Holy Week 2019 diin gibana-banaang anaa sa 1,700 ka mga personahe ang i-deploy gikan sa kapulisan, militar, traffic personnel ug uban pang safety and security components.
Segun sa hepe nga kini aron masiguro nga luwas gikan sa mga dautang buhat ang mga lugar sa Davao diin ipahigayon ang mga aktibidad sa semana santa ilabi na sa 38 ka mga simbahan dinhi sa dakbayan.
RadyoMaN Renz Barbarona
