Nakabaton sang livelihood cash assistance sang Department of Social Welfare and Development Office 12 ang 175 ka mga benepisyaryo halin sa banwa sang Lutayan Sultan Kudarat.
Suno kay DSWD 12 Regional Director Restituto Macuto, nakabaton ang mga benepisyaro sang P14, 500 kada isa kabahin sang Livelihood Grant Assistance sang Social Amelioration Program sa idalom sang recovery phase agud buligan ang mga marginalized sectors kapareho sang self-employed, jeepney drivers, rural workers kasubong sang fisher folks kag mga mangunguma.
Ginsiguro man ni RD Macuto nga napatuman ang health standards sa distribusyon sang nasambit nga livelihood cash assistance.
Paklaro pa ni Director Macuto nga ang livelihood assistance grant ang isa ka recovery and rehabilitation program sa idalom sang Bayanihan 2 Social Amelioration Program (SAP) nga ginapatuman sang ahensya nga Sustainable Livelihood Program.
Dugang pa nga ang LAG ang makabulig para mapahagan-hagan ang epekto sang enhanced community quarantine nga ginaimposar kabahin sang hard-line measures agud mapunggan ang paglapta sang COVID-19.
