General Santos City— Giangkon ni Police Chief Inspector Aldrin Gonzales, tigpamaba sa Police Regional Office 12 nga dili pa gyud hingpit drug cleared ang rehiyon.
Kini gumikan, ubay-ubay pa ang mga nadakpan sa ginahimong operasyon batok illegal nga droga sa kapulusan ug PDEA partikular na ang pagpahigayon ug buybust operation.
Sa karon matud pa dili pa niya mabutyag kung hangtud kanus-a himuon ang maong mga operasyon apan nag-unang mandato matud pa kanila mao ang pagpadayon sa operasyon kontra illegal nga droga.
Samtang sa hisgutanang oplan tokhang, gibutyag ni PCI Gonzales nga gikan sa 349 nga target gikan sa Directorate For Intelligence, mukabat na 179 ang mga boluntaryong mitahan sa kapulisan.
Pagpaklaro niya nga dako gyud ang epekto sa bag-ong direktiba nga bawal magtokhang human ang alas 5 sa hapon ug bawal matag sabado ug dominggo. Kung asa ang uban ang adunay trabaho ug gabii na kung muuli rason nga dili gyud sila mapahigayunan ug tokhang.
