Malampusong nakumpiska sa mga operatiba sa City Drug Enforcement Unit kon CDEU ang moabot ngadto sa 17 mil pesos nga kantidad sa gituhoang shabu. Kini human sa anti-illegal drug buy bust operation nga gilusad kagahapon diha sa Brgy. Carmen ning syudad sa Cagayan de Oro.
Nasayran nga ang maong operation ang gipangulohan mismo ni CDEU Assistant Chief PCapt. Mike Dioren Cavan ubos sa supervision ni CDEU Chief PLt.Col. James Gaylan alayon na sa mga operatiba sa TSC-RMFB-10.
Tungod ni-ini nasikop ang suspek nga nalambigit sa pagpamaligya sa iligal nga druga nga 26 anyos nga si Prince Jifferson Sulapas, walay trabaho nga dunay ka live-in kung diin residenti kini sa Max Suniel St., sa Brgy. Carmen ning syudad.
Napalitan sa usa ka sachet sa gituhoang shabu ang suspek balor 500 pesos nga maoy hinungdan sa iyang pagka aresto. Atol sa pagrekisa, nakuha pa gikan sa posisyon ni-ini ang laing 2 ka mga sachet sa gituhoang shabu, 1 ka unit sa cellphone ug ang 500 pesos nga buy bust money.
Gibana-banang motimbang sa 2.5 grams ang tanang mga nakumpiskang druga ngadto sa suspek kung diin duna kini estimated street market value nga moabot ngadto sa 1 mil pesos.
Gidala gilayon ang suspek sa Maharlika Detention Cell alang sa temporaryong pagkustodiya samtang giandam na ang mga rekisitos sa pagpasang-at sa kasong pagsupak sa R.A. 9165 ngadto sa korte batok kaniya.
Kasama mo sa CDEu, RadyoMaN Andy Coco, DXCC Tatak RMN!
