Incoming VP Sara giklarong dili teritoryo sa DepEd ang mandatory ROTC

37
Davao City – Gihatagan og katin-awan ni Davao City Mayor ug incoming Vice President Sara Duterte-Carpio ang hugon-hugon nga himuong mandatory ang Reserve Officers’ Training Corps (ROTC), human siya gi-appoint ni incoming President Ferdinand “Bongbong” Marcos Jr. isip secretary sa Department of Education (DepEd).

Giklaro ni Mayor Sara, dili teritoryo sa DepEd ang ROTC diin sentro lamang sa DepEd ang basic education lakip na ang Alternative Learning System (ALS) rason nga walay koneksyon ang DepEd ug ROTC.

“With regards to ROTC and Department of Education, remind lang ko sa tanang mga bright, that the Department of Education is all about basic education plus ALS. It has nothing to do with ROTC,” sulti sa alkalde.

Sa nauna nga pamahayag ni Mayor Sara, nisaad kini nga iduso sa iyang opisina ang reporma sa DepEd aron maka-produce og mga kabataang Pinoy nga pursigido nga makab-ot ang ilang full potentials as individuals.

Una na usab nga gibutyag ni Duterte-Carpio, kung mapili kini nga bise presidente, iduso niini ang mandatory military service.

RadyoMaN Kirby Manzon

Facebook Comments