General Santos City— Giplanuhan na ni Gensan City Councilor Atty. Franklin Gacal Jr. Nga kuhaan ug honorarium ang tanang mga piskal sa dakbayan nga nagadawatan ug tag 17mil matag bulan.
Sumala kang Kagawad Gacal nga mukabat sa pulo ka mga piskal ang ginahatagan ug honomrarium kung asa alang kaniya dili sila deserving nga magdawatan sa maong kantidad gumikan wala man nila ginahimo ug sakto ang ilahang trabaho.
Sumala niya nga usa sa mga nahimong basihan sa paghatag ug honorarium kanila mao ang probinsyon sa balaud nga mamahimong hatagan ang mga judge, piskal, ingon man mga public elementary school teacher.
Apan sa estado sa mga piskal sa dakbayan, dili sila angayan nga hatagan sa maong kantidad gumikan paminaw niya ginabinuangan lang nila ang dakbayan. sama nalang sa iyahang pagpasang-at ug kasong Illegal gambling kang Grace Mercado gumikan sa illegal nga operasyon sa Small Town Lottery apan wala gipasang-at sa piskal gumikan wala mattud pay Illegal nga gambling nga nahitabo bisan ug aduna nay kasong pagsupak sa R. A 9649.
Pagpaklaro niini nbga inay ihatag sa mga piskal ang maong honorarium mas mayong ihatag nalang kini ngadto sa mga magtutudlo nga labing nagkinahanglang niini.
