18 anyos dakpan sa kasong pagpangawat og paninda nga ukay-ukay

Pagadian City – Caught on the act ang 18 anyos nga babaye nga nanguha og paninda nga ukay-uaky diha sa sulod nga bahin sa City Commercial Center kun C3 sa 2nd Floor partikyular sa SR Dandes general Merchandise alas 10:30 kagahapon.
Gidakop sa security guard ang suspek nga nailang si Dannylyn Tactacon residente sa brgy. Bulatok ning syudad ug grade 9 student sa Zamboanga del Sur National High School.
Sa imbestigasyon nasayran nga nasakpan ang suspek nga nikuha og paninda nga ukay-ukay og nakuha ug nailog kini gikan sa iyang posisyon.
Sa pasiuna nga report nga nakuha sa RMN DXPR Pagadian 11:52 niadtong nakalabay nga adlaw nagpatala ang tag-iya sa maong ukay-ukayan nga si Dannae Marie Sanoria gumikan sa paghanaw sa iyang mga paninda ug gikuha kini sa usa ka babaye base sa kopya sa CCTV Camera.
Apan kagahapon nibalik ang suspek nga si Dannylyn og didto na kini nasakpan hinoon gibuhian ra usab kini sa kapulisan kay dili man intersado ang gikawatan sa pagsang-at og kaso.

Facebook Comments