General Santos—samad sa sampot ang naangkon sa usa ka 18 anyos human kining gipusil sa wala pa mailhing suspek nga natigayon sa MAY 13-b, barangay Fatima General Santos City.
Ang biktima nailhang si Jonel Depolog, 18, residenti sa susamang barangay. Alas 10:00 ang takna sa gabie niadtong Martes, March 14, 2017, samtang nag higda ang biktima sa panimalay sa iyang amigo kalit lang matud pang miabot ang usa ka suspetsado nga dunay bibit nga armas.
Dali siyang gipatindog sa iyang amigo aron mudagan apan ayha pa kini nakasibat siya napusilan na sa iyang sampot.
Didto na misibat ang suspek bitbit ang iyang armas. Ang biktima ug amigo niini ang midangop sa buhatan sa Fatima Police Station aron magpatabang. Gilayon usab nga gidala sa mga personahe sa Fatima PNP ang samdan sakay sa ilang Patrol car ngadto sa Dr. Jorge Royeca Hospital.
Sa karon padayon ang gihimong imbistigasyon sa kaso samtang usa sa mga anggulong gitutukan sa kapulisan ang bahin sa away sa grupo sa mga kabatan-unan diha sa barangay Fatima.
