Davao City – Gitulis sa lima ka mga tawo ang usa ka 18 anyos nga lalaki human kini naligo sa dagat sa may Kalayaan Beach Resort sa Vales Barangay Daliao Toril ning syudad.
Ang biktima mao si Jeric Rellon nakapuyo sa nasangpit nga barangay.
Sa rekord sa Toril PNP, bandang ala una sa kadlawon nakigkuyog ang biktima uban sa iyang mga higala ug miagi kini sa may ngitngit nga dapit.
Kalit sila giduol sa usa sa mga suspek nga dunay bitbit nga wala matino nga mahait nga hinagban ug gition kini sa liog sa biktima dayon mideklara og tulis.
Gilabni sa suspek ang cellphone sa biktima ug nanagan kini sa ga hilit nga bahin sa may Daliao.
Walay mahimo ang biktima kun dili ipatala ang mong insidente ngadto sa kapolisan sa Toril PNP.
Kapolisan aduna nay lead sa maong suspek ug kasamtangan na nga gipangita sa mga otoridad.
RadyoMaN Paul Canono
