Davao City – Aduna nay koordinasyon karon sa Department of Social Welfare and Development (DSWD) ang ginikanan sa lalaki nga gituohang mi-ambak sa barge samtang patabok sa Island Garden City of Samal (IGACOS) kaganinang buntag, Enero 9, 2019.
Sa interbyu sa DXDC RMN Davao kang Police Major John Rendaje, Office-in-charge (OIC), station commander sa Babak PNP, gibutyag niini nga gipailawom na sa DSWD ang sitwasyon sa 18-anyos nga lalaki nga taga Davao human kini matud pa miambak pasado alas-11 sa buntag sa gisakyang barge nga dali usab na-rescue sa crew sa sakyanan.
“Naa nay coordination [sa DSWD] nga gihimo sa iyang pamilya,” saysay niini.
Saysay ni Rendaje gituohang adunay problema sa pamilya ang ulitawo rason sa pag-ambak niini. Hinuon, wala sumala pa nasamdan o naangkon nga injury ang biktima.
Nasayran nga miresulta usab sa pagkadelatar sa biyahe ang maong insidente.
RadyoMaN Kirby Manzon
