Davao City – Sikop sa buy bust operation sa Sta Ana PNP ang tulo ka drug pusher nga mao sila Arnold Lim, 31 anyos, taga Isla Verde, Brgy 23-C, Jaime Dorie, 31 anyos, residente sa Poblacion 2,Parang, Maguindanao ug Karen Farrah Lamoste, 34 anyos, nakapuyo sa Bread Village, Buhangin ning dakbayan.
Sumala pa positibong napalitan sa kapolisan og usa schet nga shabu kambyo ang buy bust.
Narekober sa kapolisan ang laing unom ka managlahing gidak-on pakete sa shabu nga mukantidad og P100,000.00 lakip nakompiska ang usa ka unit nga cellphone nga maoy gigamit sa illegal nga transaksiyon.
Subay sa monitoring sa kapolisan ang tulo ka dinakpan gikonsidera nga street value target diin tingkagol na sa selda sa Sta Ana PNP ug mag-atubang og kasong may kalapasan sa Republic Act 9165 (Comprehensive Dangerous Drugs Act of 2002).
RadyoMan Don Pulayao
