Banga, South Cotabato – Wala nay kinabuhi nga napalgan ang 18 anyos nga may sakit na epilepsy human gikaingon nga nawala og pipila ka adlaw sa Sitio Lamtabong-bong, Barangay Lambingi, Banga, South Cotabato.
Sa inisyal nga imbestigasyon sa Banga Municipal Police Station, nakadawat sila og impormasyon nga may nakit-ang tawo nga nalumos sa sapa og wala nay kinabuhi.
Sa pag-verify sa kapolisan, nailhan ang biktima sa pangalang Brayan Gandulan Tandayan alias “Jan-jan”, 18, laborer og residente sa Purok Paraiso, Sitio Lamtabong-bong, Brgy. Lambingi, Banga, South Cotabato.
Base matod pa sa naka-blotter sa barangay, niadtong Oktubre 7, 2020 ni-report ang inahan sa biktima nga si Imelda Gandulan Tandayan tungod wala makauli ang iyahang anak na si Brayan sukad niadtong Oktuber 5, 2020.
Niaging adlaw, nakit-an ang biktima nga wala nay kinabuhi kung asa nakakulob ang lawas sa sapa og gituohang nalumos.
Usa ka Cesar Falco, 37 anyos nga residente sa maong lugar maoy nakakaplag sa patayng lawas sa ulitawo samtang kini namutol og kawayan daplin sa sapa.
Sumala usab sa inahan sa ulitawo, ang iyahang anak adunay sakit nga epilepsy sukad gipanganak og nagtu-o kini nga gi-atake sa iyahang sakit samtang nangihi daplin sa sapa.
Sa karon gihiluna na ang patayng lawas sa nahisgutan.
For more info’s and updates, like and share our official facebook account: www.facebook.com/ifm91.9Gensanofficial/
#TatakRMN #IFMAngIdolKongFM #RMNnetworks #ReachingMillionsNationwide #RMNFoundation
[image: DISGRASYA.jpg]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
