General Santos City—Angol ang usa ka 18 anyos nga lalaki human nga gidunggab sa grupo sa mga batan-on sa may roundball, duol sa Gensan City Public Market alas 2:30 ang takna sa kaadlawon.
Giila ang biktima nga si Ejir Mark Egiano,Construction worker, residenti sa Raja Muda, Bula,Gensan.
Sa record sa Dr. Jorge Royeca Hospital nasayran nga gikan nag laag-laag ang biktima uban sa iyang mga amigo, pag-abot sa lugar usa niya ka kaubanan ang mibato matud pa sa niagi nga tricycle.
Tungod naigo, nihunong ang tricycle dayon nanaog ang mga sakay niini ug giduol ang biktima deretso ug dunggab.
Nakaangkon ug samad sa kilid ug likod nga bahin ang biktima kansa daling gidala sa ospital human sa krimen. Samtang mga suspek paspas nga misibat sa wala sayring lugar.
Sa karon ang biktima nagpaalim pa sa iyang samad nga naangkon samtang padayon pang giila sa kapulisan ang mga suspetsado.
