General Santos City—Samdan ang usa ka 18 anyos nga dalaga human kining gibunalan ug botelya sa wala mailhing suspek gawas sa usa ka imnanan sa may Bula-Lagao Road alas 4:00 ang takna sa kabuntagon.
Biktima itago lang sa pangalang Alias Joanne, 18, residenti sa Purok 18, Barangay Tinagacan, Gensan.
Nasayran nga nag inum nag biktima sa Explore bar apan aduna kini nakalalis sulod sa maong bar gumikan matud pa sa iyang nadaugan sa sayaw nga nagkantidad ug P1,000.00.
Paggawas sa biktima sa maong imnanan, didto na kini gibunalan ug botelya maong nakaangkon ug samad.
Paspas nga gidala sa ospital ang biktima aron nga mapailawom sa medikasyon, samtang ang suspek paspas nga misibat. Sa karon nagpadayon ang gihimong imbistigasyon sa kapulisan kalabutan sa maong insidenti.
