18-anyos nga eaeaki kulong sa pagpanghulikap it sangka Chinese national

65

Rehas eon lang do ging hulikap ko sangka-18 anyos matapos nga gina aligar nagpang-buyot it dughan ko sangka Chinese national kabii sa Kalibo International Airport.

Natabo ro insidente kat naga hueat do biktima ko anang mga bagahe nga gina papanaog sa bus nga ging sakyan halin sa Caticlan kat gulpi emang suno kara nga ging buytan ko suspek do ana nga dughan.


Insigida nga ging dakop do suspek it mga otoridad ag ging daea sa Kalibo PNP station pero hugot nga gina pamalibaran kara nga uwa nana ging himo do gina hambae ko turista kontra kana.

Pagsaysay pa it gina alegar nga suspek nga si John Rick Ferrariz, uwa imaw nag pang hikap dahil nagdueotdutan do mga turista ag posible eamang suno kara nga hasapding nana ro nasambit nga Chinese national.

Ro suspek hay sangka porter kung gabii sa Kalibo International Airport.

Nakataeana man nga paguwa-on it mga pulis si Ferrariz bangod nga nag-uli eon do biktima sa anda kara nga nasyon.

Facebook Comments

From Advertisers