General Santos City—sikop sa kapulisan nga sakop sa Police Station 6 ang usa ka 18 anyos nga estudyante atol sa gihimong Saturation Driver sa kapulisan sa may Hicman Subd., Barangay Lagao Gensan niadotng nakalabayng gabie.
Suspek giilang si Jejomar Biana, 18, residenti sa Shariff Mocsin, Barangay Baluan, Gensan. Subay sa report sa Police Station 6 nga nakit-an sa tropa sa kapulisan nga nagpahigayon ug Saturation drive sa lugar ang suspek sa ngitngit nga dapit mao nga ilang gisita.
Apan inay mucooperate sa kapulisan, nipadagan na nuon kini sa iyang gimanihuang tricycle hinungdan nga siya gigukod sa mga pulis. Sa P. Blvd., Barangay Bula na nasikop ang suspek human nga nakorner sa awtoridad.
Dihang gikapkapan ang nahisgutan, nakuhaan kini ug (2) ka sachet sa gituohang shabu. Sa karon ang suspek balhog na sa silda sa kapulisan ug giandam na ang kasong ipasang-at batok kaniya.
