General Santos City–nagpaalim pa karon sa usa ka pribado nga balay tambalanan sa syudad ang usa ka 18 anyos human nga napusilan sa wala mailhing suspek samtang siya gikan sa imnanan uban sa iyang amigo sa Bula-lagao Road, Gensan.
Ang biktima nailhang si Aquelo Cacayan, 18 anyos ug residenti sa Purok 19, Barangay Fatima, Gensan.
Nasayran nga pauli na unta sa ilahang panimalay ang biktima kauban ang mga barkada gikan sa explore bar alas 6.00 ang takna sa buntag, apan samtang nagbaktas padulong sa dalan atubangan sa Soccksargen County Hospital aduna matud pa kini nakalalis nga mga grupo usab sa kabataan.
Kalit lang nga aduna silay nadungog nga buto sa armas ug namatikdan nalang niini nga nagkadugo na ang iyang tiil hinungdan nga dali kining gidala sa opsital sa iyang mga amigo.
Paspas nga misibat ang mga nakalalis sa biktima kansa maoy gituohang responsabli sapagpabuto sa pusil nga hinungdan sa pagkasamad sa nasangpit.
Sa karon padayon ang gihimong imbistigasyon sa kapulisan kalabutan sa insidenti. (Dave Silagan)
